Шаҳид Капур: “Миранинг ёнида бўлишни хоҳлайман”

Шаҳид 13 йилдан бери Болливудда. Айтишича, у ҳар қандай муваффақият ўткинчилигини, парвоз қилдирувчи ҳар қандай восита ўзгарувчанлиги ва руҳий хотиржамлик учун зарарли эканлигини англаб етди.

“Шуҳрат, омад — ҳаммаси ўткинчи. Агар сиз буни яхши кўрсангиз, маҳкум экансиз... Доим муваффақият тўлқинида бўлсангиў, ўзгаришни бошлайсиз, ҳатто ўз ихтиёрингизга қарши. Омад сизнинг шахсингизни ўзгартиради, машҳурлик учун энг катта тўлов шу бўлса керак. Бир пайтлар шон-шуҳратга берилдим, лекин Худога шукр, бу вақтинча эканлигини англаб етдим. Агар ўзингизга содиқ бўлсангиз, ўз тамойилларингизга амал қилсангиз, шуҳратнинг ўзи сизни топади. Ҳатто ҳозир ҳам мен ўзимга кимлигимни, бу телбаликда нимани йўқотмаслигим кераклигини эслатиб тураман”.

“Udta Punjab”дан сўнг “Rangoon” бор, ундан кейин-чи?

“Ишсиз бўламан. Иккала фильм ҳам жуда кучли. Мен қарор қабул қила оладиган вақтимни кутаман. Бундан ташқари, ҳомиладор пайтида Мира билан бирга бўлмоқчиман. Бундай ҳолат ҳаётда бир марта, ёки икки марта бўлади (кулади). Мен тўлақонли таътилга чиқяпман. Ишан туғилганда, 14 ёшда эдим, онамга қанчалик қийинлигини тушуна оладиган даражада улғайиб қолгандим. Шунинг учун Мира билан бўлмоқчиман. Янги фильмга шартнома имзоламасликка касбий сабаблар ҳам бор. “Ярамаслар”дан сўнг бир-иккита хато қадам қўйдим. Энди ҳар доим мазмунли фильмларда ўйнамоқчиман. Киномизнинг энг катта муаммоси шуки, биз доим бўлган нарсани қайта яратишга уринамиз. Мен ўтмишнинг, аввал бўлган нарсанинг бир қисми бўлишни истамайман. Мен мураккаб фильмларда ўйнашни хоҳлайман. Мен доим фильм учун образимни ўзгартиришга уринганман ва вақт талаб этади. Менга ўз йўлим ёқади”, — дейди Шаҳид.