Ритик Рошан кўзларини кимга қолдиради?

“Kaabil” фильмида кўзи кўрмайдиган одамни ўйнаган Ритик Рошан вафотидан сўнг кўзларини Мумбайнинг кўз касалхоналаридан бирига қолдиришга қарор қилди. Бу ҳақда унда тиббиёт муассасаси директори илтимос қилди.

“Мен Ракеш Рошан билан боғландим ва Ритик мугуз пардасини клиникага эҳсон қилишини сўрадим, - дейди доктор Натаражи. – Ракеш Ритикнинг анчадан бери шуни ўйлаб юрганини айтганида, хурсанд бўлдим. Кейин Ритик билан гаплашдим. У мени туғилган куни таклиф қилди ва ўша куниёқ ваъдасини бажарди. Аммо бу ҳаракати “Kaabil”нинг рекламасидек кўринмаслиги учун бу ҳақда айтмаслигимни сўради. Ҳозир, фильм ижарада яхши кетаётганда, Ритик бу ахборотдан ва унринг исмидан бу муаммога одамларнинг эътиборини жалб қилиб, янги донорларни топишда фойдаланишимга рухсат берди”.

Ритик ҳаёт экан, унинг кўзларига ҳеч ким тегмайди, албатта. Донорнинг мугуз пардасини фақат вафотидан сўнг олишади, аммо бунинг учун тириклигидаёқ рухсат олиш зарур.  

Доктор Натаражининг айтишича, унинг марказида 200000та донорлик мугуз пардасига эҳтиёж бор, аммо кўпи билан 30000та йиғишга муваффақ бўлишади. Бу хайрли ишга Ритик Рошан қўшилгандан сўнг касалхона бутун мамлакат бўйлаб кенг ахборот кампаниясини бошлашни ва керакли миқдорда донорларни жалб қилишни режалаштиряпти.

Дарвоқе, машҳур донорлар орасида Айшвария Рай, Амитабх ва Жая Баччан, Рани Мукхержи ва Хема Малини ҳам бор.