“Болливудлик хотинлар”

Фильмларида мода ва шоу-бизнес оламининг нохуш томонларини ёритган Мадхур Бхандаркар энди киноюлдузларнинг турмушини мўлжалга олаётганга ўхшайди. Ҳар қалай, унинг кейинги лойиҳаси “Болливудлик хотинлар” деб номланади.

Апрелда Падма Шри мукофоти билан тақдирланадиган режиссёр бу ҳақда “Твиттер”да хабар берди. Фильмларида реал муаммоларни кўтариб чиққан миллий мукофот совриндори ёрдам учун Ритеш Сидхвани ва Фархан Ахтарга миннатдорчилик билдирди. 

Тахминларга кўра, Бхандаркар янги лойиҳасида Болливуддаги йирик юлдузларнинг шахсий ҳаёти ҳақида ҳикоя қилади.