Қисқа сатрлардаги янгиликлар

* Видья Балан Сужой Гхошнинг “Ҳикоя-2” фильмида суратга тушиши маълум бўлди.

* Фархан Ахтар ва Ардхуна Ахтар 15 йиллик турмушдан сўнг ажрашишини маълум қилди. Улар Болливуддаги энг яхши оилалардан бири саналарди.

* Равина Тандон асраб қолган қизи Чхаянинг тўйини уюштирди. Актриса уни турмушга чиқмасдан аввал асраб қолган.

* Актёр Фавад Хон покистонлик қўшиқчи ҳақида суратга олинадиган биографик “Albela Rahi” фильмидаги ролга тасдиқланди.

* Сидхартх Ананд “Рэмбо” фильмининг ремейкини суратга олишни режалаштиряпти. Айрим хабарларга кўра, Сильвестр Сталлоненинг ролини Ритик Рошан ўйнаши мумкин.

* Режиссёр Гаури Шинденинг янги фильмида Шоҳруҳ Хон ва Алия Бхаттдан ташқари Али Зафар ва Кунал Капур суратга тушиши маълум бўлди.

* Мадхури Дикшит Орландо (Флорида штати, АҚШ)да ўтказилган байрам маросими — Ҳиндистон кунида иштирок этди.

* Иррфон Хон Стивел Спилбергнинг Скарлетт Йоханссон иштирокидаги фильмида суратга тушиш таклифини рад этди.

* “Nissan” автомобилсози Жон Абрахамни бренд юзи сифатида танлади. Автомобилсознинг фикрича, Жон брендга қизиқишни ошириши мумкин.

* Санжай Даттнинг беш ёшли ўғли Шаҳраан отасининг “Hasmukh Pighal Gaya” фильмида Раж Капурнинг фильмидаги янграган қўшиқнинг ремиксида суратга тушиши маълум бўлди.