Амир Хон нега биографик фильмдан воз кечди?

Амир Хон астронавт Ракеш Шарма ҳақидаги биографик фильмдан воз кечишига сабаб сценарийнинг ёмонлиги ва кичкина бюджет эмас.
Гап шундаки, актёр продюсерлик компанияси сўнгги олти йилдан бери режалаштириб юрган фильмга эътибор бериши керак. “Thugs of Hindostan” унинг сўнгги ташқи лойиҳаси бўлади. Кейинги ўн йил давомида Амир бор диққат-эътиборини ўз компаниясининг бир нечта фильмдан иборат маҳсулотига қаратиши керак. Ҳамма фильмлар актёр иштирокида суратга олинади, баъзиларига эса режиссёрлик қилади. Илк фильмни суратга олиш ишлари 2018 йилда бошланади. Биринчи картина режиссёри Адавит Чандан (“Суперюлдуз сири”) бўлади. Аввалига бешта фильм суратга олиш режалаштирилган.