Ритик Рошан “Тезлик-4”да суратга тушадими?

К

ассада яхши натижа кўрсатган “Тезлик” туркумидаги фильмларнинг тўртинчи қисми суратга олиниши ва, айрим миш-мишларга қараганда, унда Ритик Рошан суратга тушиши мумкин.

Маълум бўлишича, “Тезлик-4”нинг режиссёри Вижай Кришна Ачария Ритик Рошан билан учрашиб, фильм ҳақида гаплашган. Бироқ Ачариянинг ўзи бу хабарларни инкор қилмоқда. “Менда бундай режа йўқ. Бу миш-мишлар қаердан чиққанини билмайман”, — дейди режиссёр.

Ҳали “Тезлик-4”нинг суратга олиниши номаълум, шундай экан, Ритик Рошаннинг унда ўйнаши тўғрисида ҳам аниқ гап айтиб бўлмайди. Баъзи маълумотларга кўра, Адитья Чопра, агар фильм суратга олинадиган бўлса, ролга Ранбир Капур ёки Ранвир Сингхни олиши мумкин.