Шабана Азми Сонам Капурнинг онасини ўйнайди

Шабана Азми Рам Мадхаванининг стюардесса Нирья Бханот ҳақидаги “Neerja” фильмида Сонам Капурнинг онасини ўйнайди.

Шабана бу ҳақда шундай фикр билдирди: “Рам-жи билан ўтган йили, Н. Бханот мукофотини топшириш учун Чандигархга борганимда учрашиш бахтига муяссар бўлгандим.

У ажойиб инсон, яхши чиқиб кетдик. Менга бу ролни таклиф қилишлари у билан яхши мунсоабатларим туфайли бўлса керак. Сонам —30 йилдан бери дўстим бўлмиш Анил ва Сунитанинг қизи. Мен унинг қандай ўсаётганини кўрганман, унга меҳрим тушган. Рам Мадхавани билан ишлашни сабрсизлик билан кутяпман.
Режиссёр ҳам Шабана Азми билан ишлашдан хурсанд: “Мен фаолиятининг бошиданоқ Шабана Азмининг ашаддий мухлиси эдим. Шабана фильмда ўйнашга рози бўлганидан жуда хурсандман”.