Ритик Рошан — “Ошиқлар-3”да

Ритик Рошаннинг “Ошиқлар-3” фильмида суратга тушиши мумкинлиги унинг мухлисларини қувонтирди, бироқ актёр ҳали таклифни қабул қилгани йўқ. “Бу ҳақда ўйлаяпман”, — деди актёр.

Ритик ва Сонам Капур Махеш Бхаттнинг 1990 йилда суратга олган “Ошиқлар” фильмидаги машҳур “Dheere Dheere” қўшиғини қайта жонлантиришди. Қўшиқ “T-Series”нинг марҳум раҳбари Гулшан Кумар хотирасига бағишланди.
Бу орада Ритик “Yash Raj Films”нинг янги лойиҳасида Дипика Падукон билан суратга тушиши ҳақида хабар чиқди. Фильм режиссёри Вижай Кришна Ачарья бўлади. “Бу ҳақиқатга яқин... — дейди Ритик хабар ҳақида. — Аммо қайси қисми ростлигини айтолмайман”.