Шраддха Адитья билан боғлашларидан чарчади

Болливуднинг ёқимтой актрисаси Шраддха Капур “Look Who’s Talking with Niranjan” ток-шоусида фильмлари, баҳслар, мода ва бошқа нарсалар ҳақида гапириб берди.

Шоу бошловчиси — Ниранжан Шраддхадан ҳамкасблари билан ишқий муносабатлари ҳақидаги миш-мишлар ҳақида сўради.

“Мени ҳар бир ҳамкасбимга боғлашяпти деб ўйламайман, — деди актриса. — Мен фақат Адитья ҳақида ўқиганман. Фақат шу, шекилли. Ҳамма билан эмас. Яна ким билан боғлашган?” Шраддха “Ошиқлар-2” фильмида бирга суратга тушган ҳамкасби Адитья Рой Капур билан исмини боғлашларидан чарчаган кўринади. “Фильм чиққанидан бери деярли икки йил ўтди, бу миш-мишлар эса бизни тарк этмаяпти. Мен бу ҳақда 29000 марта гапирганман”.
Бошловчи бу миш-мишлар асослими деб сўраганда Шраддха қатъиян “Йўқ”, деб жавоб берди.