Приянка ўз жонига қасд қилишга уринганмиди?

Телевидение актрисаси Пратюша Банержи ўз жонига қасд қилгандан сўнг Приянка Чопранинг собиқ менежери Пракаш Жажу оғир дамларда актриса ўз жонига қасд қилишга урингани ҳақида оғиз очди.

Пратюша ўз жонига қасд қилган куннинг эртасига Пракаш Приянка ҳақида нохуш гап айтди. “Приянка ҳозир жуда кучли кўриниши мумкин, аммо ҳаётининг оғир даврида жуда заиф эди, икки-уч марта ўз жонига қасд қилишга уринган, лекин мен уни тўхтатиб қолишга муваффақ бўлганман”.

Афтидан, Пракаш ҳали ҳам Приянкадан хафа. Пратюшанинг ўз жонига қасд қилганидан Приянкага нисбатан фойдаланаётгани эса яхши эмас, албатта.

Приянка Пракашнинг хизматидан воз кечганда, уларнинг муносабатлари бузилди. Пракаш ҳатто актрисага қарши жиноий иш ҳам қўзғатди. Ҳаммаси Пракаш Приянкани молиявий найрангларда, отасини эса бу можарода айблашидан бошланди.

Приянканинг отаси Пракашни қизининг шахсий ҳаётига аралашишда айблаб, шикоят қилгандан сўнг у қамоқда 67 кун ўтириб чиқди.