Шоҳруҳ Хон “Мухлис” учун мукофотдан умидвор

Шоҳруҳ Хоннинг сўнгги лойиҳаси “Мухлис” (“Fan”)ни танқидчилар ва томошабинлар яхши кутиб олишди. Фильмнинг касса тушумлари бўйича ҳам яхши кўрсаткичларга эга бўлиши кутилмоқда.

Бироқ тижоратдаги натижадан қатъи назар, йил ғолибларини аниқлашда актёрнинг ажойиб ижросига беэътибор қараб бўлмайди. Буни актёрнинг ўзи таъкидламоқда. Ҳиндистон телевидениесига берган интервьюсида у: “Агар “Мухлис”даги ролим учун мукофот олмасам, уни тортиб оламан ёки йиғлашни бошлайман”, — деди.
Аввал кўплаб мукофотларни қўлга киритган актёрнинг бундай дейиши қизиқ. Фильмни кўрганлар Шоҳруҳ юз фоиз фидойилик билан ўйнаганини гапиришмоқда, аммо йилнинг энг яхши актёрлари ҳақида гапириш учун ҳали Салмон Хоннинг “Sultan”, Акшай Кумарнинг “Rustom”, Амир Хоннинг “Dangal” ва Шоҳруҳ Хоннинг яна бир фильми — “Raees”нинг чиқишини кутишга тўғри келади.