“Мен дадамнинг эркасиман”

Анил Капур қизи Сонам Капур билан Тулси Кумарнинг “Mere Papa” (“Менинг дадам”) қўшиғига тақдимотига ташриф буюрди. У ерда журналистлар Анил ва Сонамдан ота-бола муносабатлари ҳақида сўрашди.

“Мен ҳеч қачон отамга бирон нима бағишламаганман, — деди Сонам. — Мен уни кузатиб, актриса бўлдим. Бу катта иш. Мен дадамнинг эркасиман. Менда ҳам ундаги ўзига хослик бор”.

Анил эса ўз отаси ҳақида гапирди: “Дадам сира ҳам қаттиққўл эмасди. У ажойиб одам эди. Ҳаммамиз бир-биримизга қаттиқ боғлангандик. У ҳар оқшом сайрга чиқарди ва суҳбатлашарди. Ҳаммамиз уни соғинамиз”.

Сонам онаси туфайли актриса бўлиш орзуси кейинги сурилганига иқрор бўлди: “Отам актриса бўлишимни истарди, онам эса аввал ўқишни тугатиб, кейин актриса бшлишимни истарди. Хуллас, дадам қистамасди, чунки онамдан қўрқарди”. Бунга жавобан Анил: “Мен ҳамма аёллардан қўрқаман, чунки улар устунлик қилади деб ҳисоблайман”, — деди.