Приянка Чопра: “Ҳаётда бир-биримизни яхши кўрамиз”

Яқинда Мадридда ўтган IIFA-2016 маросимида Приянка Чопра ҳаммани ҳайратга солди. Соҳибжамол актриса “Бажирао ва Мастани” фильмидаги роли учун иккинчи даражали ролдаги энг яхши актриса номинациясида мукофотланди.

Миннатдорчилик нутқини сўзлаётганда, Приянка ҳамма, жумладан, Санжай Ли Бхансали ва Танви Азмига ташаккур билдирди. Кейин: “Дипикага, Ранвирга раҳмат — фильмда биз бир-биримизни ёмон кўрамиз, аммо ҳаётда яхши кўрамиз”, — деди.

Приянканинг сўзлари у ва Дипика ўртасида тушунмовчилик борлиги ҳақидаги ҳамма гап-сўзларга нуқта қўйди. Бу эса уларнинг мухлислари учун жуда ёқимли.