Приянка Чопра фестиваль ташкилотчиси бўлади

Приянка Чопра сентябрь ойида ўтадиган “Citizen” фестивалининг ташкилотчиларидан бири бўлиши ҳақида хабар берди. У Ушер ва Хью Эванс билан “The Today Show”да қатнашиб, шу янгиликни маълум қилди.

Фестивалда жуда кўп машҳурлар, хусусан, Нил Патрик Харрис, Хью Жекман, Сальма Хайек Пино, Сет Мейерс иштирок этади. Селена Гомез, Рианна, Ламар кабилар эса фестивалда қўшиқ айтади.
Приянка фестиваль ташкилотчиларидан бири бўлганидан жуда хурсанд: “Мен бу маросимни биргаликда ўтказишни сабрсизлик билан кутяпман. “Citizen” фестивали муҳити менга қадрли, ишим туфайли кўп саёҳат қилиш имконига эгаман, энди дунёни ўзаро боғлиқ кучдек кўряпман. Бу фестиваль ҳам хайрли мақсадда бирга ишлашнинг яққол намунасидир”.