Ранвир янги уйга кўчиб ўтмоқда

Ранвир Сингх тез орада Санжай Лила Бхансалининг тарихий “Padmavati” фильмида суратга тушишни бошлаши керак. Хабарларга кўра, актёр суратга олиш майдончасидан узоқ бўлмаган уйга кўчиб ўтиш ниятида.

“Бажирао ва Мастани” фильмида суратга тушаётганда Ранвир студиядан бир неча дақиқалик масофада жойлашган муҳташам меҳмонхонада яшади. Бундан ташқари, ўша пайтда қурилаётган баланд биноларнинг биридан кенг квартира сотиб олди.
Шу боис актёр энди ўша уйга кўчиб ўтади. Қолаверса, “Падмавати” фильми суратга олинадиган студия ҳам узоқ эмас. Бироқ Дипика Падукон уйига жуда яқин бўлмаган студияга ҳар куни қатнашга мажбур бўлса керак.