Катрина Гаурининг таклифини қабул қиладими?

Фотиҳаси бўлгани, тўйи яқинлиги ҳақидаги хабарларни инкор этаётган Катрина Каиф янги фильмга шартнома имзолаши мумкин. Актриса айни пайтда “Fitoor” ва “Jagga Jasoos” фильмларида суратга тушиш билан банд.

Бундан ташқари, у яқинда “Инглиш винглиш” фильмининг режиссёри Гаури Шенде билан учрашди. Маълум бўлишича, Гаури янги фильмига Катринани таклиф қиляпти.
Гаури “Инглиш винглиш”да Шридевини суратга тушишга кўндириш учун кўп уринган ва кинога қайтишга кўндира олганди. Худди шу тариқа у Катринани ҳам кўндира олиши мумкин. Актрисага сценарий маъқул бўлди, шундай экан, уни Гаурининг янги фильмида кўрсак, ажаб эмас.