“Сенга ошиқман”: сериал ва актёрлар ҳақида фактлар

* “Сенга ошиқман”га ҳинд киносининг машҳур актёри Житендранинг қизи, актёр Тусшар Капурнинг синглиси — продюсер Экта Капурнинг “Balaji Telefilms” компанияси продюсерлик қилди. 

* Сериалга кинорежиссёр Мохит Сурининг ўзбек томошабинларига яхши таниш бўлган “Ошиқлар-2” бадиий фильмидаги қўшиқлар саундтрек сифатида танлаб олинди. Бундан ташқари, сериал давомида ҳинд кинофильмларидаги кўплаб қўшиқлар янграйди.

* Экта Капур сериални аввалига “Чунки фақат сенсан” (“Kyunki Tum Hi Ho”, бу сўз “Ошиқлар-2” фильмидаги саундтрекда янграйди) деб номламоқчи бўлган, аммо бу номни аллақачон бошқа киночилар рўйхатга олдиришга улгуришган экан.

* Бош қаҳрамонни гавдалантирган Шакти Арора таниқли актёр Чандрашекхарнинг невараси бўлиб, шу кунга қадар бир қатор ҳинд телесериалларида суратга тушган. “Сен учун” телесериалида бирга ишлаган ҳамкасби Неха Саксенани севади.

* Экта Капур сериалда Фалгуни Парекх ролини ўйнаган Гаури Прадхан Тежванининг маҳоратини юксак қадрлайди. Гаури учун Фалгуни роли беш йиллик танаффусдан сўнг яна телеэкранга қайтиш имкони бўлди. Гаурининг ҳаётдаги турмуш ўртоғи Хитен Тежвани “Сенга ошиқман”да унинг собиқ эри Нитин Жоши ролини ўйнади.

* Ханса Бен Парекх ролини ўйнаган Сарита Жоши — “Икки тақдир” телесериалида Неха ва Никита ролларини ўйнаган актриса Пурби Жошининг онаси.

* Ишанини ўйнаган Радхика Мадан аслида раққоса, сериалдаги роль унинг дебют роли саналади.

* “Colors TV” шу кунга қадар “Сенга ошиқман”нинг 275та қисмини эфирга узатди.

Блогдаги мақолаларни берухсат кўчириб босиш тақиқланади.