Ранбир Капур бувасининг компаниясини юритади

Киноижарада фильмлари муваффақиятсизликка учрагандан сўнг Ранбир Капур оилавий ишга қайтиб, “RK Films” продюсерлик компаниясини қайта тиклашга қарор қилди. Бу компанияда у директор бўлади.

Маълумотларга кўра, Ранбир ҳозир кинокомпаниясида қандай фильмларни суратга олиш ҳақида бош қотирмоқда, зеро, бу жуда катта масъулият ва жавобгарлик дегани. Аммо Капур актёрлари ва режиссёрларига жавобгар бўлишга тайёрга ўхшайди. “RK Films” компаниясида фильмларини биринчи бўлиб суратга оладиганлар Ранбирнинг Имтиёз Али, Анураг Басу ва Аян Мукхержи сингари дўстлари бўлиши мумкин.
Ранбирни томошабинлар сўнгги марта “Томоша” фильмида кўришди. Бундан ташқари, Катрина Каиф билан олти йиллик муносабати барҳам топгани туфайли янгиликларда кўп тилга олинди. Ҳозир эса Ранбир ҳам, Катрина ҳам Анураг Басунинг “Изқувар Жагга” фильмида суратга тушмоқда. Суратга олиш майдончасида қандай кайфият ҳукм сураётгани эса номаълум.