Салмон Хон ва Каран Жохар бирга ишлашга қарор қилди

Болливуднинг “Қўрқмас”и Салмон Хон ва Каран Жохар ниҳоят ҳамкорликда ишлашга тайёрга ўхшайди. Маълумотларга кўра, бу “Форсаж” миқёсидаги лойиҳа бўлади.

Бир неча қисмдан иборат бўлиши режалаштирилаётган экшеннинг биринчи қисми илк ишлаб чиқариш босқичида. Лойиҳа Салмон Хон ва Каран Жохарнинг киностудияси баннери остида чиқарилади. Продюсерлар фильм учун Сушант Сингх Ражпут ва Жаклин Фернандес билан шартнома имзолашга улгуришди.
Фильм экшен ва автомобиль пойгасига қизиқадиганлар учун ажойиб тортиқ бўлади. Фильмга “Дўстона” фильмининг режиссёри Тарун Мансукхани режиссёрлик қилади.Лойиҳа 2017 йилда экранларга чиқиши режалаштирилмоқда.