Ҳума Қурейши Том Круз билан суратга тушадими?

Приянка Чопра ва Дипика Падукон Голливуд фильмларида суратга тушяпти, энди Ҳума Қурейшининг Ғарбга йўл оладиган пайти келди.

Ҳума машҳур “Мўмиё” фильмининг давомида суратга тушишга тайёр. “Ҳума яқинда муваффақиятли фильмнинг Голливуд юлдузи Том Круз ва салбий ролни ўйнаётган София Бутелла иштирокидаги тўртинчи қисмидаги ролга синов топширди”, — деди Ҳума Қурейшининг вакили. Афтидан, актриса Круз билан шерикликдаги бош ролга синов топширган. 
Том Круз билан ишлашни кўп актрисалар орзу қилади. Агар роль Ҳумага насиб этса, бу албатта орзудаги роль бўлади. Актриса яқинда Маммутти билан бирга малаялам тилидаги “Оқ” (“White”) фильмида суратга тушди.