“Саиф ва Шаҳид жуда яхши чиқишади”

Шаҳид Капур ва Саиф Али Хоннинг Вишал Бхардважнинг “Рангун” фильмида суратга тушаётганда совуқ муносабатда бўлгани, бунга сабаб эса Карина эканлиги ҳақида кўп гапирилди. Бироқ Карина бошқача фикрда.

Оммабоп нашрлардан бирига берган интервьюсида Каринадан шу ҳақда сўрашди. “Чинданми? Менимча, улар жуда яхши чиқишади деб ўйлайман! Суратга олиш майдончасига бормадим, чунки вақтим бўлмади. Мен сафарда эдим, улар эса тунги вақтда суратга олишди. Саиф ёнимга келиб, майдончада қанчалик қизиқ бўлганини гапириб берарди. У Шаҳид билан гаплашишни ёқтиради ва уни жуда яхши йигит деб ҳисоблайди. Улар нима учун чиқишмаслиги кераклигини билмайман”, — деди актриса.
“Саиф беғам одам, — дейди Карина яна, — у ҳам, Шаҳид ҳам кўп йиллардан бери шу саноатнинг вакили. Нима учун ҳамма “Рангун”да улар илк бор бир-бирини учратгандек гапиришяпти? Саиф ва Шаҳид ундан анча аввал учрашган, айнан битта тренажёр залига боришни одат қилишган. Шунинг учун уларнинг совуқ муносабати ҳақидаги гаплар ҳақиқатдан йироқ! Саиф биров билан совуқ гаплашадиган одам эмас. Аслида, агар кимдир шундай қилса, у ёнига бориб, “Ҳой, ошна, менга совуқ муомала қиляпсанми? Нима учун? Кел, шунчаки дам олиб, гаплашамиз”, дейди (кулади). Саиф ҳаммага шундай қилади”.