“Ҳаёт зерикарли бўлиши мумкин эмас” давом этади...

Ҳар ишда истеъдодли Фархан Ахтар 2012 йилнинг хит фильми бўлган “Ҳаёт зерикарли бўлиши мумкин эмас”нинг давомини суратга олиш нияти борлигини маълум қилди. Фильмни унинг синглиси, режиссёр Зоя Ахтар суратга олган, Фарханнинг ўзи эса бош роллардан бирини ижро қилган. 

Яқинда берган интервьюсида Фархан шу фильмнинг давомини суратга олиш истаги борлигини ва бу жуда қувноқ фильм бўлишини билдирди. 2012 йилдаги фильмда Ритик Рошан, Фархан Ахтар ва Абхай Деол Испанияга қилган сафари давомида муаммолари ва қўрқувларидан қутулгани кўрсатилган.
“Ҳаёт зерикарли бўлиши мумкин эмас”да ишига жуда берилган тадбиркорни ўйнаган Ритик Рошан ҳам бу фильмнинг давоми суратга олинишини истайди.