“Йилнинг энг умидли актёри”

Ранвир ролини ўйнаётган Шакти Арора Калькуттада йилнинг энг умидли актёри сифатида нуфузли мукофот — “Kalakar” билан тақдирланди. Бу Шактининг биринчи мукофоти.

“Бу менинг биринчи мукофотим, у мен учун ҳамиша қадрли бўлади, — дейди Шакти. — Бу саноатда кўп йиллардан бери ишлаяпман, мукофотларга бир неча марта номзодим қўйилган, лекин бу менга насиб этган биринчи мукофот. Совриндор бўлганимдан жуда хурсандман, келажакда яна кўп мукофотларни қўлга киритишни истайман. Мен мураккаб ишни бажаряпман, бундай ишни қадрлаш керак”.

Калькуттада Шакти Арора мухлислар қуршовида қолди. “Калькуттада мени қизлар ўраб олишди”.

Шакти ҳар доим уни қўллаб-қувватлаган инсонларга миннатдорчилик билдирди: “Оила аъзоларим жуда хурсанд бўлишди, чунки улар саноатда қандай ишлаганимни кўришган. Бу ҳаммалари, мен учун ҳам фахрли дақиқалар. Мен ижодий гуруҳимиз аъзоларига, ҳамкасбларимга миннатдорчилик билдирмоқчиман. Шунингдек, менга ишонгани, қаҳрамонимни яхши ўйнай олишимга ишонгани учун Экта Капурга ҳам раҳмат айтаман. Унинг ҳафсаласини пир қилмаганим, яхши ижро кўрсата олганимдан хурсандман. Сериал ниҳоятда оммалашди, уни турли ёшдаги одамлар кўришяпти. Отам, онам ва Нехага мени ҳар доим қўллаб-қувватлашгани учун миннатдорчилик билдираман.

Бугунги кунда эришган даражамда мухлисларимнинг ҳиссаси катта. Мухлисларимнинг муҳаббати менга куч бағишлайди ва таянч бўлади, уларсиз мен ҳеч кимман”.